D'Famili Grämiger
Jamiro, Marlen und Manu
Leiter Zauberschlössli




Hoi mitänand
Gib dä Chind Wurzle zum wachse und Flügel zum flüüge... ich han scho viel mit Chind dörfe zämä schaffe
und debi glärnt, dass es wichtig isch dä Chind mit dä richtigee Erziehig dä Grundstei zum wachse z'legä,
aber gnueg Freiheite z'gäh zum flüüge und witercho - z'erkänne, wo und wänn mer loslah muess.
Ich freu mich so eu während dä erste Schritt i di wiit gross Wält z'begleite!
Eui Marlen


Hey zämä
Im Momänt schaff ich no an äme andere Ort, aber als glernte Chinderskilehrer isch es scho lang
min Traum mit Chind dä Alltag dörfe z’verbringe. Für mich isch s’Läbe scho immer ä Art Spieli gsi,
i däm’s soviel d’erläbe und z’entdeckä git, drum freu ich mich jetzt scho so druf mit eu
uf Entdeckigsreis z’gah und vieli Abentüür z’erläbe!
Eue Manu


Hoooiiiiiiii
Ich bi zwar no än chlinä Fratz, han aber scho riesige Plän, was mir zämä alles astellä chönd.
Mir gsehnd eus im Zauberschlössli
Eue Jamiro 


                                                                      


Elsbeth
Spielgruppenleiterin



Hallo zämä
Ich betreuä am Mäntig und Dunnschtig Morgä zämä mit minere Tochter Marlen üseri Chind im Zauberschlössli.
Bim chnätä, baschtle, malä, schpielä und singä, händ mir's immer mega lustig und schön mitenand.

D'Chind sind üseri Zuekunft und ich find's so schön ihnä
villi schöni und gueti Sachä uf dä Läbäsweg chöne mitzgäh!

Bis bald
Euri Elsbeth


                                                              


Laura
Kleinkinderzieherin



Hoi zämä
Ich freui mich druf euri CHind en chlinä Abschnitt vo ihrem Läbe dörfe z'begleitä
und vieli lustigi, spannendi, interessanti, lehrrichi und abwächsligsrichi Moment
mit ihne z'verbringä.
"Erkläre mir und ich vergesse.
Zeige mir und ich erinnere.
Lass es mich tun und ich verstehe!"
Laura

                                                                      


Juli
Spielgruppenleiterin

Hoi zämä
Ich lieb’s d’Chind uf ihrem Weg z’begleite, z’fördere und möglichst viel Schritt, wo si i ihrem Läbe
meisteret, dörfe däbi z’si. Mich bsuechet mehreri Chind, will ich us Liedeschaft es Tagesmami bin.
Däzue ane engagier ich mich soviel wie’s nur gaht, um mit Chind chöne zämä schaffä.

Ich freu mich über jedes Chind, wo ich uf sim interessante Wäg begleite dörf.
Eui Juli



                                                              


Paola
Spielgruppenleiterin